رواية انتقام الروح الفصل الثالث 3 و الاخير • انا لازم اقعد في الشقه واعرف دليل يودي ابن عمه حبل المشنقه
• قعدت في البيت وبعد ما مراتي واولادي نامو طلعت برا في الصاله وقعدت على الانتريه
• وكانت الساعه في حدود ال12 مساء والجو هادي جدا ومفيش اي حاجا حواليا
• ومره وحده النور قطع في الشقه كلها قومت اجيب الكشاف ورجعت تاني ولسا بنور لقيته في وشي
• شكله والحبل الي شنق نفسه بيه موجود على رقبته
• لقيته بيقول انا عاوز حقي وحق مراتي وابني ولو مجبتش حقي من الي قتلنا ها اموت عيلتك بنفس الطريقه الي ماتت بيها عيلتي
• ولقيته بيضحك ضحكه مخيفه اوووي وبعد كدا فضل باصصلي واختفي
• ولقيت النور رجع تاني والأمور بقت طبيعيه
• دخلت البلكونه وشوفت الأثر بتاع الشنق على الباب بتاعها وعرفت قد ايه انه اتعذب وعافر قبل ما يموت
• قعدت افكر ازاي اجيب حقه واريح روحه الي متعلقه للانتقام دي
• وفكرت اني اجيب ابن عمه هنا والروح دي هيا الي تنتقم وانا بعيد
• تاني يوم روحت الشغل طبيعي خالص وكلمت صاحب البيت وقولتله عاوز عنوان ابن عمه وادهولي بالعافيه وروحت عليه
اول ما وصلت للعنوان عرفت أنه فاتح محل وقولت لازم اخش عليه بطريقه ميشكش فيا بسببها
• وقولتله انا من مصلحه الضرائب وان محلك متأخر عليه دفع ضرائب ولازم تدفعها او ها تتحبس
• طبعا لقيت معامله زباله اوووي وقله ادب وصوت عالي قولتله خلاص يا فاندم ممكن نحل المشكله بس لازم تروح على مصلحه الضرائب وها نشوف الموضوع هنا
. رفض في الأول ولكن بعد كدا اقنعته
• وافق على كلامي واديته العنوان بس اول ما شاف العنوان وشه اتغير وقلب الوان وقالي انتا ساكن في المكان دا
• قولتله لا دا مكان شغلي الشقه الي انا قولتلك عليها دي دي منقول فيها مصلحه الضرائب مؤقتاً
• لقيته قالي لا انا مش ها اروح المكان دا والي عاوزين تعملوه اعملوه
• قولتله مينفعش ترفض لأنك لو رفضت ها يتقفل محلك وها تتحبس والناس ها تكون عارفه انك حرامي
• لقيته قالي انا مبخفش من حد وها اجيلك في المكان بكره الصبح
• قولتله ها استناك وها نصلح الأمور كلها الي حصلت قبل كدا
• وسيبته ومشيت وانا خايف انه ميجيش المكان
• روحت البيت وقولت لمراتي وولادي يروحو عند اهلها عشان ها اعمل حاجا في الشقه ووصلتهم
. وقولت ليها ولما اخلص يبقو يرجعو
• وجه الوقت الي ها يوصل فيه سيبت الشقه مفتوحه واستخبيت بره الشقه
• وخليت البواب يشوفني وانا طالع مع ولادي عشان يعرف اني خرجت
• ورجعت من غير ما ياخد باله واستنيت القاتل دا يطلع الشقه
• قفلت نور الشقه كلها وقفلت الشبابيك والبيبان
• هوا خبط لقى الباب مفتوح زق الباب ودخل
• واول ما بقى في نص الصاله الباب بتاع الشقه اتقفل
• انا سمعته وهوا عمال يخبط جامد على الباب
• قربت ودني عشان اسمع لقيته بيقول انتا ازاي موجود
• انا شوفتك وانتا ميت ومشنوق ازاي تكون رجعت تاني مستحيل
• راح قايله متقتلنيش قولي الي عاوزه ابعد عني ابعد عني وبعد كدا لقيته بيصرخ جامد
• وسمعت حاجا بتتفتح ممكن باب او شباك وسمعت حد بيخبط في الأرض تحت
• نزلت جري عشان اشوف مين لقيته هوا الي نط من البلكونه ومات على طول
• طلعت جري على الشقه شوفت الراجل وابنه ومراته واقفين وبيبصولي وهما فرحانين مع ان كان منظرهم مرعب اوووي
• وبعد كدا لقيتهم اختفوا من المكان
. والمكان رجع طبيعي جدا فجاءه وحسيت ان المكان هادي اوووي ومفيهوش حاجا
• بصيت لقيت الحكومه جت والاسعاف وعملو اللازم في الموضوع
• وسألوا البواب عن الي ساكن وطبعا قالهم اني طلعت من البيت مع أولادي يعني مفيش شك اني اكون الي عملتها
• وبعد كدا في ناس قالت إنه هوا الي نط من البلكونه وهما الي شافوه ناطط
• بعد اسبوع رجعت مراتي واولادي في البيت وعيشنا فيه من غير اي حاجا تحصل
• والروح انتقمت لموتها
. وانتهت القصه
